Never Quit

Never let your hobbies die,

Never let your feelings die,

Never stop chasing your dreams,

Coz it’s your life and you have to make it big,

This is the truth which you yourself can’t deny !!

Naari Shakti

Ghar mein jiske kadam pade toh nanhi pari ban jati hai,
Hansi khilkhilahat se fir mata-pita ki duniya mehkati hai.

Chhoti-chhoti aankhon mein sapne woh bade-bade sajati hai,
Fir Savitri, Sarojini, Kalpana aur Malala ke roopon mein nazar aati hai.

Pyar kare toh Radha jaisa, bhakti kare toh bane woh Meera,
Sangini mein woh Parvati hai, aur tyaag mein bane woh Sita.

Kabhi maa, kabhi beti bani hai,
Kabhi behan, toh kabhi sakhi bani hai.

Hain jitne rishte duniya mein, un sab rishton mein buni-gadhi hai.

Naari ki mahima kya kahe ‘aks’, naari se hi yeh duniya bani hai!

Change is coming

Look, the colour of sky is changing,

Look, the coldness of weather is fading,

Look, the fragrance in air is changing,

Look, the phase of moon is turning.

It’s the feeling of new, the feeling of fluttering butterflies.

It’s the feeling of dew, the feeling of visiting a paradise.

Is it unknown, is it unreal or is it like a homecoming?

Seems to me for sure that CHANGE IS COMING!

Naari ki abhilasha

Naari ke baare mein na jaane kitni baar yeh kaha gaya ki

bada kathin hai usse samajhna,

bada kathin hai usse jannaa.

Par kya itna bhi kathin hai uske dil ki baat samajhna?

Kya chahti hai woh? Kya hai uss naari ki ikshaa?

Dhan-daulat-shaan ya fir beinteha aisho-araam?

Nahi!

Naari toh keval itna chahe

Ek pyara sa parivaar ho uska,

Meethe do bol bole jo ho aisa hamraaz uska,

Uski laaj pe aanch na aane de ho aisa samaaj uska,

Uske sapno ko de unchi udaan aisa ho aasmaan uska,

Jahan ho woh barabar ki haqdaar aisa ho sansaar uska

Bas itni si hi toh hai ‘Aks’

ek naari ki abhilasha !

Aaina

Aaina mera mujhse hai puchhe,
Kyon chehre pe yun mayusi hai chhayi
Kyon peshani pe yun shikan si hai aayi..

Kya bhool gayi ho ‘Aks’ woh salah Faiz ki
Ki aur bhi gham hain zamane mein mohabbat ke siva,
Ki raahatein aur bhi hain vasl ki raahat ke siva!

Sangharsh

Jeevan ki pehli kilkaari se,
Humne sangharsh kiya hai

Nanhe pehle pag rakhne pe,
Humne sangharsh kiya hai

Pathshaala mein agrasar hone se,
Humne sangharsh kiya hai

Jeevan ki aapa-dhaapi se,
Humne sangharsh kiya hai

Iss hanste chehre ke peeche
yadi gaur se dekhoge toh paoge
‘Aks’ ne har kathinaayi se ubarne ko
Kitna sangharsh kiya hai.

Bachpan ki saugaat

Bahot der mein iss baat ka khayal aaya
ki bahot duur talak aa gayi hun main,

Baaki aur koi takleef nahi siva iske
ki bahot kuch chhod ke aayi hun main.

Uss zamane ki tareef kya kare ‘aks’
kaise gam se anjaan thi main,

Bachpan ki bekhauf dehleez
bahot pehle paar kar aayi hun main.

Takhayyul

Ek aisi kaynaat ka takhayyul hai 'aks' ki gul-e-bahaar ho jahan, 

Na koi rakeeb na shaitan na aab-e-talkh ka karavan ho wahan!

Ab jaag chuka hun

Agyaanta ki andheri galiyon mein kahin achet tha,
Par ab jaag chuka hun main!
Nirmamta ki sooni sadakon mein bhatak raha tha,
Par ab jaag chuka hun main!

Prem ki nishchalta se duur,
Apni hi anant trishna mein dooba hua tha,
Na svyam ki pehchaan thi, Na iss sansaar ka dhyan tha,
Na jaane kis chakravyuh mein uljha hua mera mann aviraam tha.

Par ab aalokit hui hai mann-mashtishk mein sacche prem ki paribhasha,
Ab hai yeh jaana ki manavta se hi hai sabke hitt ki asha,
Pulkit hui hai ab kuchh karne ki prabal jigyasa,

Kar duur svyam ko abhiman se,
Ab jaag chuka hun main !

Jawab

Badi shikaayatein hain logon ko ki humein ulfat nahi,

Ab iss bekhud zamane ko kaise bataye 'aks' 

ki badi shiddat se mohabbat humne bhi ki thi kabhi !

shaakh-e-waqt

Waqt ki shaakh se woh lamhaa chura liya,
Lo aaj fir unki yaad se iss dil ko behla liya,
socha tha nahi karenge yeh gustakhi dobara,
par khaamkhaa yeh bojh dil pe humne bura liya !

uns

Dilo-darakht pe uns ke ghaav nazar aate hain,
Chaliye 'aks' apne mizaaj ko apna raqeeb banaate hain !!

Tick Tock

The hands of time keep on moving
Tick tock tick tick tock.
Life is a race where everyone is running
Tick tock tick tick tock.
No regard to 'means', with eyes only on winning
Tick tock tick tick tock.
In this crazy competition the relationships are whining
Tick tock tick tick tock.

Slow down a bit and pause this endless patrol,
Stop being the slave of time, instead take the full control,
Keep love, kindness and humanity in your stock,
Tick tock tick tick tock!!

Jeevan ka saar

Kya hua, kyon tu itna udaas hai,
Kya kho gaya tera, kyon tu itna badhawaas hai,
Kyon tu uski chinta mein hai, jo nahi ab tere sath hai,
Kahin aisa na ho ki iss uljhan mein, tu kho de woh jo abhi tere paas hai.

Tu vartamaan mein ji, bas yahi ek sacchai hai,
Bhootkaal toh beet gaya, aur bhavishya ki aahat bhi kahan aayi hai,
Tu chhod saari uljhano ko, bas isi pal mein ji,
Fir tu dekhega ki kaise teri zindagi muskurayi hai.

Tu bhool kar apne dukh sabhi, aaj khushi se jhoom,
Samjhane tujhe yeh saar jivan ka, teri humdard 'aks' aayi hai.

Success

Success is not about how rich you are,

It's about how much blessings you have received.
Success is not about how incredible you are,
It's about how much you struggled & have developed.

Success is not about how infallible you are,
It's about how after every failure you have upped.

Success is having a strong soul and a heart that's kind,
Success is having an humble spirit and a super mind.
Success is having an impeccable character, leaving people spellbind.
Success is believing in yourself, and rising against the failure's headwind.

Apne

Jivan ki is raah mein kayi bazaar milenge,
Kayi paraye kayi anjaan milenge,
Par kabhi mat bhoolna apne parivar walon ko,
jo chale tumhare saath aur tumhare saath jiyenge.
Koi dooja kaam nahi aata iss nakaare zamane mein,
Bas yeh apne hi hain jo har sukh-dukh mein sadaa saath rahenge!

The Wait

Little while grows into forever,
Leaving me with  nothing but sigh of a griever.
There goes my love-lorn feelings in vain,
And drowning my heart in the tearful rain.

The time itself questioned me as a disbeliever -
Dear, was it real and a true love ever?

Zindagi

Kabhi rehzan toh kabhi dildaar hai yeh zindagi,

kabhi kafir toh kabhi wafadaar hai yeh zindagi.

Kabhi laaparwah toh kabhi bedaar hai yeh zindagi,

kabhi mukhfi toh kabhi khula deedaar hai yeh zindagi.

Zindagi ki khasiyat ko bhala samjhegi kaise tu 'aks',

kabhi aasaan, kabhi dushwaar, toh kabhi madaar hai yeh zindagi !

Safarnama

Yun hi chalte hue mujhe tha ek ajnabi mila,
Sath yun chal padi uske ki waqt ka pata na chala,
Fir achanak zindagi mein ek moud aisa aa gaya,
Kho gayin khushiyan sabhi, khud ka bhi na pata chala.

Fir mausam badle kayi, jeene ka naya bahana mila,
Jisko khoya tha kabhi fir se woh afsana mila.
Socha na tha ki hoga suhana yeh safar itna kabhi,
Jisko duaaon mein tha maanga, haan ankhon ko woh nazrana mila.
Dil ne ki thi justzu kabhi, ki apne rab se ek baar milun,
Aur tujh mein hi ae nadeem, mujhe mera khuda mila!

Maa ki nanhi kali

Aapke angan mein, ek nanhi kali banke khili
Aapki ungli pakad ke fir main yun chalne lagi
Chalna, girna, girke uthna, fir se chalna aapse seekha
Apne andar ki shakti ko maine apki aankhon mein dekha
Khilkhilana, hasna, rona har pal maine aapko paya
Chahe ho woh chot bachpan ki, ya hi dil ka tootna
Aapko hamesha saahas banke maine apne sath paya.

Aapke angan mein ek nanhi kali banke khili
Aapse se hai meri duniya, aapse se hi har khushi !