Tick Tock

The hands of time keep on moving
Tick tock tick tick tock.
Life is a race where everyone is running
Tick tock tick tick tock.
No regard to 'means', with eyes only on winning
Tick tock tick tick tock.
In this crazy competition the relationships are whining
Tick tock tick tick tock.

Slow down a bit and pause this endless patrol,
Stop being the slave of time, instead take the full control,
Keep love, kindness and humanity in your stock,
Tick tock tick tick tock!!

Jeevan ka saar

Kya hua, kyon tu itna udaas hai,
Kya kho gaya tera, kyon tu itna badhawaas hai,
Kyon tu uski chinta mein hai, jo nahi ab tere sath hai,
Kahin aisa na ho ki iss uljhan mein, tu kho de woh jo abhi tere paas hai.

Tu vartamaan mein ji, bas yahi ek sacchai hai,
Bhootkaal toh beet gaya, aur bhavishya ki aahat bhi kahan aayi hai,
Tu chhod saari uljhano ko, bas isi pal mein ji,
Fir tu dekhega ki kaise teri zindagi muskurayi hai.

Tu bhool kar apne dukh sabhi, aaj khushi se jhoom,
Samjhane tujhe yeh saar jivan ka, teri humdard 'aks' aayi hai.

Success

Success is not about how rich you are,

It's about how much blessings you have received.
Success is not about how incredible you are,
It's about how much you struggled & have developed.

Success is not about how infallible you are,
It's about how after every failure you have upped.

Success is having a strong soul and a heart that's kind,
Success is having an humble spirit and a super mind.
Success is having an impeccable character, leaving people spellbind.
Success is believing in yourself, and rising against the failure's headwind.

Apne

Jivan ki is raah mein kayi bazaar milenge,
Kayi paraye kayi anjaan milenge,
Par kabhi mat bhoolna apne parivar walon ko,
jo chale tumhare saath aur tumhare saath jiyenge.
Koi dooja kaam nahi aata iss nakaare zamane mein,
Bas yeh apne hi hain jo har sukh-dukh mein sadaa saath rahenge!

The Wait

Little while grows into forever,
Leaving me with  nothing but sigh of a griever.
There goes my love-lorn feelings in vain,
And drowning my heart in the tearful rain.

The time itself questioned me as a disbeliever -
Dear, was it real and a true love ever?

Zindagi

Kabhi rehzan toh kabhi dildaar hai yeh zindagi,

kabhi kafir toh kabhi wafadaar hai yeh zindagi.

Kabhi laaparwah toh kabhi bedaar hai yeh zindagi,

kabhi mukhfi toh kabhi khula deedaar hai yeh zindagi.

Zindagi ki khasiyat ko bhala samjhegi kaise tu 'aks',

kabhi aasaan, kabhi dushwaar, toh kabhi madaar hai yeh zindagi !

Safarnama

Yun hi chalte hue mujhe tha ek ajnabi mila,
Sath yun chal padi uske ki waqt ka pata na chala,
Fir achanak zindagi mein ek moud aisa aa gaya,
Kho gayin khushiyan sabhi, khud ka bhi na pata chala.

Fir mausam badle kayi, jeene ka naya bahana mila,
Jisko khoya tha kabhi fir se woh afsana mila.
Socha na tha ki hoga suhana yeh safar itna kabhi,
Jisko duaaon mein tha maanga, haan ankhon ko woh nazrana mila.
Dil ne ki thi justzu kabhi, ki apne rab se ek baar milun,
Aur tujh mein hi ae nadeem, mujhe mera khuda mila!

Maa ki nanhi kali

Aapke angan mein, ek nanhi kali banke khili
Aapki ungli pakad ke fir main yun chalne lagi
Chalna, girna, girke uthna, fir se chalna aapse seekha
Apne andar ki shakti ko maine apki aankhon mein dekha
Khilkhilana, hasna, rona har pal maine aapko paya
Chahe ho woh chot bachpan ki, ya hi dil ka tootna
Aapko hamesha saahas banke maine apne sath paya.

Aapke angan mein ek nanhi kali banke khili
Aapse se hai meri duniya, aapse se hi har khushi !

Aab-e-talqh

Aaj kuch yun fir dil ka woh haal hua
Tamannaon ka fir sare bazaar katle-aam hua
Siskiyon ki awaaz bhi ab sunayi nahi deti
In ankhon ka rona bhi ab toh aam hua ..

Khalish

Apne jazbaton ko kis se bayan karun
Sooni ankhon ko kaise khushnuma karun
Chaahat ki uzdi duniya ko kis taskeen se bharun
Bejubaan rishtey ki khalish kaise chhupaya karun !

Rubaiyat-e-Aks

Dil ne arzu ki tu aaj aashna-e-abr ban aaye
Mere aab-e-talqh ko saaf karne ko aaye
Russwayiyon ki aaj koi gunzaish hi nahi
Karne 'aks' ko khaqsar hi sahi chahe aaj tu rehzan ban aaye !

Triveni-e-Aks

Badal gayi fiza, badal gaya sama
Badal gaye woh raste, badal gaya woh jahan
Ek zamana guzar gaya iss seher ki ore rukh kiye hue!!

Gustaakhi

Samaye ke tarazu mein tumhare saath ko taulte rahe
Sochte rahe ki beimaani nahi karenge
Par kuch dosh hamare dil ka tha, aur kuch tumhari ankhon ka
Hum beimaani kare bina reh bhi na sake..

Naubahaar

Kuch yun asar hua unke chhoone se
ki dil se mehroom ho gaye
Aur zamana kehta raha ki 'aks' haal bade umdaa hain!

Guzarish

Lafjon mein bayan na kar ae-Saaki
Rehne de mere jazbaat yun hi dil mein dafan
Kahin hoton pe agaye woh, toh aaj yahan jaljalaa ayegaa..

ilm

Pal pal mein palon ka kafila kaise sheher ban gaya, mujhe ilm na hua

Kadam dar kadam yun hi chalte hue tu kab mera humsafar ban gaya, mujhe ilm na hua

Kabhi socha na tha ki iss muquaam pe bhi aayenge,

Mere seene mein dhadakta dil kab tera ho gaya, mujhe ilm na hua

Chand roza

Waqt thairtaa nahi kahin, fir bhi use rokne ki chaah karta hai
Bulbulon mein tikta nahi kuch bhi, fir bhi usme khwabon ke ghar banata hai
Khushi toh apne andar chhupi hai 'Aks', fir kyon tu use bazaar mein dhoondta firta hai.

Rashq

Yun toh hame gam-e-tanhayi se gurez na tha,
Par unke tassavur mein mehsoos hua ki tanhayi kya hoti hai,
Yun toh unka auron se milna ashkiya na tha,
Par unki mehfil mein dil ne jana ki saza-e-mohabbat kya hoti hai.

Intezaar

Duniya ke is bazaar mein jahan sab kuch bikta hai,
Dil aaj bhi neend ke saudagar ko dhoond raha hai..

Saaz-e-Dil

Tamannaon ke is samandar mein
Jajbaton ke is hujum mein, kahin toh koi saugaat mile,
Zindagi ki is numaish mein kahin toh sachha dildaar mile,
Chaah nahi hai 'Aks' ko mehalon mein rehne ki
Bas kisi ke dil mein mujhe mera sara jahan mile.